Fluss der Zigge

© Sandra und Marc Dorlöchter, 2020

YouTube Live Video

 

Wasser fleeß ad emmer de Rhing erav, künnt uns su vill verzälle 

Wor ad do als dr Dom noh nit stundt, domols in Claudia Colonia. 

Hück stonn ich he an de selve Stell 

Wie Römerlück, Franzusmamsell. 

Nix bliev wie et wor nor de Rhing wor emmer ad do. 

 

Mer jehüre zosamme 

domols wie hück, wat och passeet. 

Gemeinsam stonn mer för Kölle 

in Liebe zom Dom un zom Rhing. 

 

Wasser fleeß noh emmer de Rhing erav, jitt uns Kölsche et Lävve. 

Us aller Welt kumme Minsche zo Dir, us alle Länder un Zigge. 

Hück stonn ich he, luur mich staunend öm 

jonn vum Aldermaat zor Domplatt hin. 

Nix bliev wie et wor nor de Rhing wor immer ad do. 

 

Mer jehüre zosamme 

domols wie hück, wat och passeet. 

Gemeinsam stonn mer för Kölle 

in Liebe zom Dom un zom Rhing. 

 

Em Fluss dr Zigge blievs do emmer do (emmer do) 

Vür all de Minsche blievs do emmer do (emmer do) 

Kölle am Rhing. 

 

Mer jehüre zosamme 

domols wie hück, wat och passeet. 

Gemeinsam stonn mer för Kölle 

in Liebe zom Dom un zom Rhing.